స్ఫూర్తి

చక్కెర రేణువును ఎంతోశ్రమకోర్చి

గమ్యస్థానం చేర్చే చీమ చాలదా

మనిషి స్ఫూర్తి పొందేందుకు

గూడు అల్లే ప్రయత్నంలో

పడిలేస్తూ పటిష్ఠంగా నిర్మించ

సాలీడు కాదా స్ఫూర్తి కారకం

దృఢచిత్తం ఉండాలే గానీ వైకల్యం ఏ మాత్రం

ఆటంకం కాదంటూ ఎవరెస్టు అధిరోహించిన

అరుణిమా సిన్హా ఎందరికో స్ఫూర్తిదాయకం

నిరాడంబర జీవనంలోని మాధుర్యాన్ని ఆస్వాదించి

నిర్విరామ కృషితో మిసైల్ మాన్ గా

అబ్దుల్ కలాంగారు గొప్ప స్ఫూర్తి ప్రదాత

పదివేల దృష్టాంతాలెందుకు

మంచీ – చెడుల్లాంటి పాలూ – నీళ్ళను

ఎంతో నేర్పుతో వేరుచేసే ఆ

సుందర మరాళే నాకెంతో స్ఫూర్తి ప్రదం