మన పండుగ—మన పాలపిట్ట జమ్మి చెట్టు

అందాలను పంచే ప్రకృతి చిట్టమ్మ..!
మన భారతదేశానికి అందమైన ముద్దుగుమ్మ..!

మన స్వార్థపు నీడలో పచ్చని చెట్లు
కనుమరుగైపోతున్నాయి..!

పక్షుల గూళ్లు నేలరాలిపోతున్నాయి..!

దర్శనం శుభశకునంగా విజయప్రాప్తికి ప్రతీకగా నిలిచిన
పాలపిట్ట నేడు…..
చిరుగాలిలో పాట కనుమరుగై పోతోంది..!

మనం వ్యవసాయంలో రసాయనిక పురుగుమందులు
వాడడం వల్ల పాలపిట్ట కనుమరుగై పోతోంది..!

దసరా పండుగ వేళలో…
దీవెనలిచ్చే జమ్మి చెట్టుని సహితం నరికి వేస్తున్నాం..!
బంగారమంటూ ఆకులిచ్చి…
బంధాలను కలిపే చెట్టుని సహితం నరికి వేస్తున్నాం..!

దసరా పండుగ రోజున పాలపిట్టను చూడటానికి ఎగబడుతాం..!

వాటి రక్షణ మరచి పోతున్నాం..!

పక్షి రెక్కలకు ఆకాశమిద్దాం..!

వాటి గూటికి చెట్టునిద్దాం..!
పక్షులను చెట్లను కాపాడుకోవాలని కోరుకుంటూ…