Dr. Majji Bharathi
జనన మరణాలు
మనిషి చేతిలో లేవనే
ఒకనాటి మాట ఇప్పుడు ఒట్టి మాటాయె;
ప్రకృతి ధర్మాన్ని ఎదిరించి,
స్వార్థ చింతన ఎక్కువై …
మోయకుండా కడుపులో,
పదినెలల పాటు కన్నపేగును,
పురిటి నొప్పులు పడలేమని,
శాస్త్రవిజ్ఞాన అండతో అతివలు
శస్త్ర చికిత్స పేరుతో
ముహూర్తాలు చూసుకొని మరీ
కడుపుకు కోత పెట్టించుకుని
జన్మనిస్తున్నారు బిడ్డలకు.
కొత్త కొత్తగా ప్రమాణ స్వీకారం చేసిన
అమెరికా అధ్యక్షుని ఆంక్షల నడుమ,
గర్భిణులైన ప్రవాస భారతీయులు,
పుట్టబోయే బిడ్డల అమెరికా పౌరసత్వాలకై,
క్యూలను కడుతున్నారు ఆసుపత్రులకు
కడుపులకు కోతలకోతల కోసం
ఒకప్పుడు కడుపు కోత అర్థం వేరు..
ఇప్పుడేమో అది సి సెక్షన్ కు మీరు పేరు
పరాయి దేశ పౌరసత్వానికంత విలువా?
ఆధునికతనా? ఆడంబరమా?
పుట్టుకతోనే ప్రాంతీయత
పెరగాల్సిన బుద్ధి దో…!!
మనుషులు గా
మన పయనమెటు?????
