Mrudula
కాసులు కాదు
ఆమె దోసిలికి చేరింది1
కడుపు నింపుకోవడానికి
అశ్రువులు చేరాయి
కడుపు నిండకుండానే
కానీ
రోజూ ఎక్కడో
కాసులు రాలుతూనే ఉంటాయి
వద్దనుకుంటే పండిన
కడుపును తీయించి
అడ్రస్ లేని కుండగానే
ఉంచేందుకు
రేపు
మళ్లీ ఎక్కడో
అశ్రువులు రాలుతూనే ఉంటాయి
కావాలనుకున్నా పండని
కడుపును సరోగసీతో
అడ్రస్ ఉన్న కుండగానే
ఉంచేందుకు
ఒకరిది
ఆకలి మండే బాధ ఐతే
మరొకరిది
పరువు పోయిన బాధ
వేరొకరిది
పరువు నింపుకునే బాధ
బాధ మాత్రం షరామామూలే
తరాలుగా…………….
