Bhandari Sujatha
కాయకష్టం చేయునట్టీ మనుషులుంటే మురిసిపోతా
సోమరితనమే వీడునట్టీ మనుషులుంటే మురిసిపోతా
కుడిఎడమలగు కుంటిసాకులు చెప్పకుండా బతకవోయీ
తరువువోలే బతుకుతున్నా మనుషులుంటే మురిసిపోతా
చేయిచాచీ అడుక్కుతినే ఆనందాన్ని మరువవోయీ
చేతనైనా పనులుచేసే మనుషులుంటే మురిసిపోతా
స్వార్థమెరుగని జీవితాలను తలుచుకుంటూ నడవవోయీ
ప్రకృతమ్మలా పలుకరించే మనుషులుంటే మురిసిపోతా
కాలుష్యాన్ని నివారించే అడుగులేస్తూ సాగవోయీ
తోడునీడగ నడిచివచ్చే మనుషులుంటే మురిసిపోతా
