సుధీర

పల్లవి::
మనసూ మమత కుసుమలత
విరి‌సిన బంధపు ప్రేమలత
జీవన యానపు ధీరసుత
ప్రతిభా నిపుణత తన ఘనత
“మనసు”

చరణం::
ప్రేమా స్నేహమె ఆభరణం
ఓర్పు సహనమె తన సుగుణం
కోమల హృదయమె తనకు ధనం
నేర్పరి తనమే తనకు వరం.
“మనసు”

చరణం::
ఆది శక్తికే ప్రియ చెలిగా
అంతము చేయును దుర్మదము
అంతరంగమే నిర్భయమై
నింగికి వేసెను నిచ్చెనలు.
“మనసు”

చరణం::
రుద్రమ ఝాన్సీ వారసులై
ధైర్యపు శౌర్యపు మనసిజలై
భీకర సమరపు సైనికులై
ఘర్జన చేసిరి సుధీరలుగా.
“మనసు”

చరణం::
అడుగుఅడుగులో కదిలెడి సుడులను
తడయక దడయక దారులు వెతుకుతు
విజయ తీరమును చేరెడి
మహిళలు
ధరణికి వెలుగులు
అవనికి సొబగులు.
“మనసు”