స్వగతం – నా మనోగతం

కవిత రాయాలన్న నా ఆశ
ఎపుడో చిననాట తొంగి చూసెనో దశ
కాల గర్భంలో కలిసి పోయెనే ఏదిశ
అణిచి వేయబడిన ఆవేశం
మళ్ళీ ఇన్నాళ్ళకు అంది వచ్చెనా అవకాశం.
పొందుపరచనా కవితాకోశం
పరితపించే నాహృదయం
ఎలా అణచుకోను ఈ అంతర్మధనం.
ఉరకలు వేసే నా ఉత్సాహం
అంతలోనే ఓ నిరుత్సాహం
దేనికోసం ఈ ఆరాటం
ఏమిటో ఈ పరితాపం
చేరుకుందునా నా కలల తీరం
అంతా అగమ్య గోచరం
అపుడే లేచెను ఓఆలోచనా కెరటం
అందించెను ఓ సందేశం
దిగులు చెందకు నేస్తమా
కదలి సాగుము సంద్రంలా
మునిగి పోకుమా మిత్రమా
ఆందోళనలా సుడి గుండంలో,
మబ్బులు వీడిన సూర్యునిలా
విజృంభించుము వెలుగు కాంతులై
కరుగనీయకు నీ కలా
జాలువారనీ జావలులై .
అగుపించేనా ఆశల దరి
ఎదురు చూద్దామ్ ఏమోమరి